مارواڙي ٻولِي رو ښُڌارو , مارواڙي نيات رو ښُڌارو
عِلم ښَوا ھَي انڌارو , تعليم ښون ھوشَي قوم رو ښُڌارو
مارواڙي رِي ويب سائيٽ تي ٿون ښجون نَي ڀليڪار ڪونھ ھون،
مھي تموم گھڻا خُوش ھون ڪہ ٿي ايٿ مھورِي مارواڙي ويب سائيٽ تي مھون ڀيڙا ھو۔
مھي: مھي ٿونرِي شيوا ۾ ڏِن رات ڪوم ڪرون ھون ڪہ مارواڙي نيات آگھي بڌَي ھانَ آپڻِي ٻولِي ۾ نمُونَي نمُونَي را ڪِتاب ترجما ڪيئا جاوَي جون لِکيا ھانَ اِسڪُولون ۾ پڙھايا جاوَي۔
مارواڙي ٻولِي: مھورَي تجربَي ھانَ جانچ پڙتال ښون خبر پڙِي ھَي ڪہ مارواڙي ٻولي ۾ تموم گھڻا لھجا ھَي ھانَ ھر ھيڪ گھر جون ھر ٻيجَي مِنک رو ٻولڻ لھجو ڌارا ڌار ھَي۔ پڻ تو ڀِي مھون ڪوشش ڪِي ھَي ڪہ اھڙَي نمُونَي ښون لِکون جڪَي ښون ھر ھيڪ مِنک ښمجھي ښگھَي۔
مھونَي پَڪو ڀروسو ھَي ڪہ ٿي بِنا ڪَي اعتراض ښون آپرِي ٻولي ښون پريم ڪرشو ھانَ مھورِي مدد ڪرتا ريشو ڪہ اِيئي نمُونَي ښون مارواڙي ۾ ڪوم ھوتو رَي۔
مھورا خاص مقصد:
- ٻاݪون رَي ښارُو تعليمي ڪِتاب ٺاوڻ
- ٻاݪون رَي ښارُو مارواڙي ٻولِي ۾ اِسڪُول کولڻ رِي ڪوشش ڪرڻ
- مارواڙي ٻولي ۾ ڪِتابون را ترجما ڪرڻ
- مارواڙي نيات رِي ترقي رَي ښارُو ښوچ ويچار ڪرڻ
ٿونرِي شيوا ۾ مارواڙي نيات ښُڌار منڊلي
